News updated on: 24 May 2006

HOME -> NEWS -> NEWS FROM NEPALI DIASPORA AROUND THE WORLD

युएइमा थप एक साहित्यिक पत्रिकाको प्रकाशन प्रारम्भ

नेकका लागि जैकी मोजाहु, दुवाइ - 24/05/2006

यूएइमा विगत तीन दशकबाट नेपालीहरु कार्यरत् रहेको अनुमान गरिएको छ । नेपालीहरुको थयेष्ट जनसंख्या युएइमा भएपछि सन् १९९० पछि नेपाली समाज भन्ने सामाजिक संस्थाको स्थापना भएको थियो । नेपाली समाजले मुखपत्रको रुपमा हिम अरबको प्रकाशन शुरु गरेको थियो । सो हिम अरब अर्द्धवार्षिकबाट त्रैमासिक र द्वैमासिक रुपमासमेत प्रकाशन भएता पनि यो नियमित प्रकाशन हुन सकेको छैन ।   केही वर्षसम्म आकृति समुहले विशुद्ध साहित्यिक चौमासिकि आकृति प्रकाशन गर्यो । नियमित प्रकाशन हुँदै आइरहेकोमा केही महिनादेखि यो पनि बजारमा देखिन छोडेको छ । यसै दौरान यूएइमा खोटाङ युवा समाजको स्थापनाले कलमकारहरुको हौसला बढायो । खोटाङ युवा समाजले अर्द्धवार्षिक परदेश नामक पत्रिका प्रकाशन शुरु गर्यो । विगत तीन वर्षदेखि यो नियमित प्रकाशित हुँदै आएको छ । यसपछि गत वर्ष यूएइमा नेपाली साहित्य परिषद्को स्थापना भयो । र, यसले हाम्रो प्रतिध्वनि भन्ने विशुद्ध साहित्यिक त्रैमासिक प्रकाशन गर्यो । यो पत्रिका पनि हालसम्म नियमित प्रकाशन भइरहेको छ ।   यसै दौरान राई यायोख्खा, यूएइले नव सिर्जना भन्ने अर्द्धवार्षिक साहित्यिक पत्रिका प्रकाशन गरेको छ । मणि राईको सम्पादनमा यसको पहिलो अंक बजारमा आइसकेको छ । केही समयअघि उक्त पत्रिकाको विमोचन नेपाली रेष्टुरेन्ट बरदुबईमा भएको थियो । सो अवसरमा दलबीर सिंह बराइली, जाकिर हुसैन, नीरवचन राई, छत्र लामा, डि. एल. शर्मा, समदर्शी काइँला, मानबहादुर थापा र मणि राई आदिले राई यायोख्खा, यूएइको प्रशंसनीय प्रयास र पत्रिकाको सफलताको बारेमा प्रकाश पार्नु भएको थियो ।

news from nepal   nepalnews   information from nepal   nepal    nepali   nepallinks   news nepal

 

	©nepalqatar.com