News updated on: 05 July 2006

HOME -> NEWS -> NEWS FROM NEPALI DIASPORA AROUND THE WORLD

नेपाली जनसम्पर्क समिति अमेरिका गठन

नेक सम्वाददाता - 05/07/2006

संयुक्त राज्य अमेरिका । संयुक्त राज्य अमेरिकाका विभिन्न राज्यमा कार्यरत नेपाली कांग्रेसप्रति आस्थावान नेपालीहरुको भेलाले नेपाली जनसम्पर्क समिति संयुक्त राज्य अमेरिका गठन गरेको छ । जुलाई ४ २००६ का दिन अमेरिकन नेपलिज एसोसिएसनको चौबीसौ भेलाको अवसरमा संयुक्त राज्य अमेरिकाका विभिन्न राज्यहरुबाट भेला भएका नेपाली कांग्रेसप्रति आस्थावान नेपालीहरुलाई समेटेर आनन्द विष्टको अध्यक्षतामा उक्त समिति गठन गरिएको अध्यक्ष विष्टद्वारा जारी विज्ञप्तिमा उल्लेख छ। नेपाली कांग्रेस केन्दि्रय कार्यालयको मिति २०६३ जेष्ठ १९ मा प्राप्त पत्रअनुसार पार्टीको सिद्धान्त र आदर्श प्रति प्रतिबद्ध तथा शुभेच्छुक सबै नेपालीहरुलाई समेटी छलफल र सल्लाह अनुसार नेपाली जनसम्पर्क समिति गठन गरी नेपाली कांग्रेससंग निरन्तर सम्पर्कमा रहन भन्ने पत्र प्राप्त भएको र सोहीअनुसार समिति गठन गरिएको विज्ञप्तिमा छ । विष्टको अध्यक्षतामा गठित तदर्थ समितिमा बिनोद मोक्तान, खगेन्द्र जिसि, रुद्र खडका, दिनेश त्रिपाठी, मृदुला कोइराला, बंशलाल तामाङ्ग, नामलाल श्रैष्ठ, डिल्लीमान सिंह कार्की, डा. विनोद शाह, सुशिल अधिकारी, राम चौधरी, संजिव अधिकारी, रामहरि सुवेदी, प्रमोद सिटौला, विष्णु सुवेदी र अनुप थपलिया रहेका छन् । तदर्थ समितिले निकट भबिष्यमै अमेरिकाका विभिन्न राज्यहरुमा शाखा कार्यालयहरु गठन गर्ने छ र नेपाली कांग्रेस केन्द्रीय कार्यालय काठमाडौं नेपालले तोकी पठाएको प्रतिनिधिको रोहबरमा एक बर्षभित्र तदर्थ समितिले माहाधिवेशन गरी नयाँ कार्य समितिको चयन गर्ने बताइएको छ ।

news from nepal   nepalnews   information from nepal   nepal    nepali   nepallinks   news nepal

 

	©nepalqatar.com