News updated on: 12 July 2006

HOME -> NEWS -> NEWS FROM NEPALI DIASPORA AROUND THE WORLD

विश्व समुदाय चनाखो हुनु पर्ने

नेक सम्वाददाता - 11/07/2006

पिस व्रिगेड इन्टरनेशनलको आयोजनामा यही जुलाई ७ र ९ तारिख बीच अन्तरराष्ट्रिय मानवअधिकार र शान्तिका लागि एक सम्मेलन वासिंङ्गटन डीसीमा सम्पन्न भयो । सो सम्मेलनमा कोलम्विया, श्रीलंका, प्यालेस्टाइन, इराक, ग्वाटेमाला, नेपाल लगायतका आन्तरिक द्धन्द्धमा फसेका विभिन्न देशहरुका सम्बन्धमा चर्चा गरिएको थियो । उक्त अवसरमा नेपालका तर्फाट नेपाली जनताको शक्ति विषयमा अधिवक्ता दिनेश त्रिपाठीले प्रकाश पार्नुभएको थियो । त्यसक्रममा त्रिपाठीले अहिंसात्मक आन्दोलनबाट पनि ठूला राजनीतिक परिवर्तन गर्न सकिन्छ भन्ने विश्वको इतिहासमा एक उदारणीय घटना हालै नेपालमा सम्पन्न जनआन्दोलनले प्रस्तुत गरेको बताउनुभयो । जनआन्दोलनले परम्परागत राजा र सेनाको शक्ति समाप्त गरेको र अव दिगो शान्ति र पूर्ण लोकतान्त्रिक गणतन्त्रको स्थापनाका लागि अवसर खुलेको चर्चा गर्दै यो अवस्थामा दरवारियाहरुको तर्फाट केही षडयन्त्रको गन्ध शुरु भएकाले त्यसलाई चिर्न राष्ट्रिय अन्तरराष्ट्रिय निगरानी जरुरी रहेको बताउनुभयो । उहाँले गणतान्त्रिक लोकतन्त्रको स्थापना नभएसम्म दिगो शान्ति नआउने चर्चा गर्दै समाजका सबै अंगलाई प्रजातान्त्रिकीकरण गर्नुपर्ने सामाजिक विवेद अन्त्य हुनुपर्ने, आर्थिक क्षेत्रमा पनि लोकतान्त्रिकरण गरिनुपर्ने स्रोत र साधनको प्रयोग गाउँसम्म पुग्नुपर्ने, न्यायिक र पारदर्शी प्रशासनयन्त्र निर्माण गरिनुपर्ने कुरामा जोड दिनुभएको थियो ।  पिस व्रिगेड इन्टरनेशनलको २५ औं वाषिर्क उत्सवका अवसरमा आयोजित यस कार्यक्रममा बडी गार्ड अफ हृयुमनराइटस् नारा तय गरिएको छ ।

news from nepal   nepalnews   information from nepal   nepal    nepali   nepallinks   news nepal

 

	©nepalqatar.com