News updated on: 27 August 2006

HOME -> NEWS -> NEWS FROM NEPALI DIASPORA AROUND THE WORLD

टोरोन्टोमा पशुपतिनाथ मन्दिरको स्थापनासंगै तीज पर्व

गोविन्दसिंह रावत, क्यानाडा - 27/08/2006

नेपाली महिलाहरुको महान चाँड हरितालीका तीजको अवरसमा पहिलो पटक टोरोन्टो शहरमा नेपाली चेलीहरुले धक फुकाएर रमाईलो गरी तीजको अघिल्लो दिन दर खाएर नांच्दै गाउंदै तीज पर्व हर्सोल्लासका साथ मनाए भने भोली पल्ट तीजको अवसरमा टोरोन्टोवासी नेपाली महिलाहरुले रातो सारी, रातो पोते र रातै चुरामा सजिएर पशुपतिनाथको दर्शन गरी तीजको ब्रत प्रारम्भ गरे । टोरोन्टो शहरमा आज उद्घाटन गरिएको आराध्यदेव पशुपतिनाथको मन्दिरमा उपस्थित ठुलो भेलाले श्री पशुपतिनाथको मन्दिरको स्थापना भएकोमा एक अर्कालाई शुभकामना दिए । गत दुई वर्ष अघि अगष्ट २००४ मा स्थापित पशुपतिनाथ नेपाली क्यानेडियन कल्चर सेन्टरको (पि.एन.सि.सि.सि) अथक प्रयास एवं जन सहयोगबाट स्थापित  श्री पशुपतिनाथ मन्दिरको उद्घाटन वैदिक विधिबाट गरियो । सबै विशाल टोरोन्टो वासीहरुले देवादिदेव महादेवलाई धार्मिक अनुष्ठानबाट सात समुद्रपारी विराजमान गराए । मन्दिर स्थापना पछि छोटो भेटघाट कायक्रममा पि.एन.सि.सि.सि. का अध्यक्ष शम्भु धमलाले अबदेखि पि.एन.सि.सि.सिले नेपालीहरुको सबै धार्मिक चाँडहरु यही मन्दिर परिसरमा मनाउने जानकारी गराउनु भयो । कार्यक्रममा टोरोन्टोका अवैतनिक महावाणिज्य दूत डा. कुञ्जर शर्मा, भूतपूर्व मन्त्री ओमकार श्रेष्ठ, समाजसेवी राधा बस्नेतसंगै डा. कुमुद शर्मा, के. सुद, वेदजंग थापा, प्रदिप श्रेष्ठ र गोबिन्दसिहं रावतले शुभकामना ब्यक्त गर्नु भयो ।

news from nepal   nepalnews   information from nepal   nepal    nepali   nepallinks   news nepal

 

	©nepalqatar.com