News updated on: 14 November 2006

HOME -> NEWS -> NEWS FROM NEPALI DIASPORA AROUND THE WORLD

जापानको नागोयामा नेपालीको हत्या

नेक सम्वाददाता - 14/11/2006

विगत लामो समयदेखि जापानको नागोयामा रहादै आउनु भएका धौलागिरि अञ्चल बागलुङ्ग निवासी गणेशबहादुर साहनी मृत अवस्थामा भेटिएका छन् ।   नेपालजापान डट कमले जनाएअनुसार यहि नोभेम्बर ११ शनिबार दिनको ठिक २:३० बजे उहाँको मोबाइलमा फोन आई बाहिर निस्किएको र त्यसपछि बेपत्ता भएकोमा यसरी मृत अवस्थामा फेला परेका हुन् । बेपत्ता भएपछि कतै सम्पर्क नभएपछि प्रहरीलाई खबर गरेपनि कुनै सूचना पाउन नसकेकामा एकै पटक मृत अवस्थामा उहाँको शव फेला परेको हो ।   विगत २५ बर्षदेखि जापानमा श्रीमति, छोरा र छोरीसँगै रहनु भएका साहनी नागोयास्थित अकबर रेष्टुरेण्टमा कार्यरत हुनुहुन्थ्यो । उहाँले एक जना नेपाली र जापानीसँग मिलेर नागोयाको सेटो भन्ने ठाउँमा नयाँ रेष्टुरेण्ट लिई यहि डिसेम्बर १ बाट संचालन गर्ने तयारी गरिरहनु भएको थाहा भएको छ।   आज सोही नयाँ रेष्टुरेण्टमा उहाँको शव भेटिएको हो । घटनाको जानाकारी पाउने बित्तिकै एनआरएन जापान तोकाई होकिरिकु क्षेत्रका संयोजक पारसमणि पोखरेललगायत रोविन्द प्रसाद श्रेष्ठ, दिपक घिमिरे घटनास्थलमा पुगी प्रहरी तथा मिडियाहरुलाई खबर गर्ने र अन्य जानाकारी लिने कार्य गर्नुभएको थियो ।     हाल शव प्रहरीले पोष्टमार्टमका लागि लगेकोले विस्तृत जानाकारी पछि मात्र आउने भएको छ। साथै यस्तो घटना जोसुकैबाट गराइएको भएपनि एनआरएन जापान तोकाई होकिरिकु क्षेत्रले त्यसको घोर विरोध र भत्सना गर्दै दोषी उपर कारवाहीको माग गरेको छ।

news from nepal   nepalnews   information from nepal   nepal    nepali   nepallinks   news nepal

 

	©nepalqatar.com