News updated on: 21 February 2007

HOME -> NEWS -> NEWS FROM NEPALI DIASPORA AROUND THE WORLD

यूएइमा ५७औ प्रजातन्त्र दिवस समारोह

यूएई सम्वाददाता - 21/02/2007

१०४ बर्षसम्म देशमा रहेको राणा तानासाही व्यवस्थाको जरो २००७ साल फागुन ७ गतेका दिन उखेलीएको कुरा इतिहाँसका पानाहरुमा लिपिबद्धरुपमा अंकीत नै छ । शहिदहरुको बलिदानी एवं आम नेपाली जनताको अथक प्रयासमा राणाहरु नेपाली जनता सामू २००७ साल फागुन ७ गते २००७ घुडा टेकेको कुरा पनि सर्व विदितै छ । प्रजातान्त्र प्राप्त भए पश्चात हरेक साल फागुन ७ गतेलाई स्वदेश होस् या विदेशमा नेपालीहरुले प्रजातान्त्र दिवसको रुपमा मनाउँदै आएका छन् । २००७ साल देखि हालका मितिसम्म नेपालमा धेरै  राजनितीक परिवर्तनहरु भए तर वास्तविक प्रजातन्त्र प्राप्तिको सुरुवात २००७ साल फागुन ७ गतेनै भएकोले यस दिनलाई विषेश दिनको रुपमा मनाउँदै आएका छौ ।   यसै अवसरमा नेपाली दूतावास यूएइले पनि यहि फागुन ७ गते २०६३ तदनुसार १९ फेब्रअरी २००७ का दिन यू.ए.इका लागि का.वा. राजदूत मोहनकृष्ण श्रेष्ठको निवासमा, दूतावासको आयोजनामा ५७औ प्रजातन्त्र दिवस मनायो । सो अवसरमा नेपाली समाज यूएइ का अध्यक्ष रामेश्वर शाह लगायत यूएइमा स्थापित विभिन्न संघ संस्थाका प्रतिनिधीहरु, बुद्धिजीवी, ब्यापारी, तथा पत्रकारहरुको उपस्थिति रहेको थियो । उपस्थित सम्पूर्ण ब्यक्तिहरुले प्रजातन्त्र प्राप्तिदेखि हालसम्मका ज्ञात अज्ञात सहिदहरुको सम्मानको लागि १ मिनेट मौनधारण गरेर कार्यक्रमको सुरुवात गरिएको थियो ।   का.वा राजदूत मोहनकृष्ण श्रेष्ठले उपस्थित सम्पूर्ण संघ संगठनका पदाधीकारीहरुलाई स्वागत गर्दै ५७ औ प्रजातन्त्र दिवसको महत्व बारेमा र यूएइमा छरिएर रहेका नेपालीहरु लगनशिलता एवं इमान्दारीता रहेको कुरा अभिब्यक्त गर्नु भएको थियो । श्रेष्ठले यूएइमा रहेका सम्पूर्ण नेपालीहरुको भलाई र सेवाकालागि दूतावास सदैव तयार रहेको साथै विभिन्न संघ संस्था, समाज एवं बौद्धिक ब्यक्तिहरु एक भएर वृहत नेपाल र नेपालीको हितका लागि अघी बढ्नुपर्ने कुरामा जोड दिनु भयो ।   यसैक्रममा उपस्थित सम्पूर्ण ब्यक्तिहरुलाई प्रजातन्त्र दिवसबारे आफ्नो धारणा राख्न दिईएको थियो । नेपाली समाज यूएइका अध्यक्ष रामेश्वर शाहले प्रजातन्त्रको महत्व र हाम्रो कर्तब्यबारे आफ्नो धारणा राख्नु भएको थियो । उपस्थित सम्पूर्ण ब्यक्तिहरुले दुतावासद्वारा राखिएको उक्त कार्यक्रमको प्रशंसा गर्नुका साथै का.वा राजदूत लगायत दूतावास परिवारलाई धन्यवाद दिदै आउँदा दिनहरुमा पनि यस्ता कार्यक्रमले निरन्तरता पाओस भन्ने शुभेच्छा प्रकट गरेका थिए ।   कार्यक्रम दिउँसो ३ बजे देखि बेलुका ५:३० बजे सम्म चलेको थियो । कार्यक्रमको सुरुवात दूतावासका द्वितिय सचिव प्रकाश मणी पौडेल र कार्यक्रम समापन दूतावासका तृतिय सचिव विक्रम गिरीले गर्नु भएको थियो । सोहि अवसरमा उपस्थित सम्पूर्ण ब्यक्तिहरुलाई चियापानको ब्यवस्था पनि गरिएको थियो ।

news from nepal   nepalnews   information from nepal   nepal    nepali   nepallinks   news nepal

 

	©nepalqatar.com