News updated on: 28 March 2007

HOME -> NEWS -> NEWS FROM QATAR

अमेरिकी डलरको भाउ दुई वर्षमा सबैभन्दा कम

नेक सम्वाददाता - 28/03/2007

केही दिन यतादेखि अमेरिकी डलरसंगको नेपाली रुपैंयाँको सटही दरमा गिरावट आएको छ । १५ दिन अगाडी सम्म प्रति अमेरिकी डलरको ७१ रुपैंयाँको हाराहारीमा रहेको नेपाली रुपैयाँको सटही दर केही दिन भित्रै घटेर दुई वर्षकै सबैभन्दा कम ६८।८५ पैसा कायम हुन आएको छ । यो घट्ने क्रम अझ कायम हुन सक्ने अनुमान गरिएको छ ।   नेपाली रुपैंयाँसंग भारतीय रुपैंयाँको सटही दर स्थीर रहेको अवस्थामा भारतमा भएको उतार चढाबको कारण नेपालमा पनि यसले असर गरेको सम्बन्धित विज्ञहरु वताउदछन् । नेपाल राष्ट्र बैंकले हस्तक्षप गर्नसक्ने अवस्था नरहेकोले नै नेपालमा अमेरिकी डलरको अवमूल्यन भएको दावी विज्ञहरुको छ ।   कतार लगायत मध्यपूर्वमा कार्यरत नेपालीहरुलाई यस गिरावटले धेरै असर पर्नजाने देखिन्छ । मध्यपूर्वका मुद्राहरु अमेरिकी डलरसंग स्थीर सटही दरमा रहेको अवस्थामा नेपाली रुपैंयाँसंगको सटही दर घट्न गएको हो ।   अमेरिकी डलरको सटही दरमा आएको गिरावटले नेपालको अर्थतन्त्रलाई फाईदै हुने भएता पनि अस्थिर अवस्थामा रहेको दरले उपभोक्ताहरुलाई कुनै प्रत्यक्ष फाईदा भने पुग्न नसक्ने विज्ञहरुको दावी छ ।

news from nepal   nepalnews   information from nepal   nepal    nepali   nepallinks   news nepal

 

	©nepalqatar.com