News updated on: 28 April 2007

HOME -> NEWS -> NEWS FROM QATAR

एक नेपालीको ब्रेन ह्युमरेजबाट निधन

नेक सम्वाददाता - 28/04/2007

कतारमा गत दुई वर्ष देखि कार्यरत गुल्मी वस्तु-८ घर भएका राम प्रसाद भण्डारी (पासपोर्ट नम्बर २४५७३४८) को गत मंगलबार अप्रिल २६ तारिखका दिन निधन भएको छ ।   दोहा स्थित नेपाली दूतावासले जनाए अनुसार स्टार प्लस क्लिनिङ्ग कम्पनीमा काम गर्न मे २७ २००५ मा कतार आएका भण्डारीले एक वर्षसम्म उक्त कम्पनीमा काम गरेको र त्यस उप्रान्त भागेर वाहिक काम गरिरहेको जनाएको छ । आफ्नै कोठामा रिङ्गटा लागि ढल्न पुगेका भण्डारीलाई साथीहरुको सहयोगमा अस्पताल पुर्याईएको थियो । निजको सोही दिन अस्पतालमा ब्रेक ह्युमरेजबाट मृत्यु भएको अस्पतालको रिपोर्टमा जनाईएको छ ।   निजको शवलाई नेपाल पठाउन आवश्यक प्रकृया थालिएको दूतावासले जनाएको छ ।   यसै बिच यस वर्षको अप्रिल २० तरिख सम्म कतारमा मृत्यु हुने नेपालीको संख्या ४२ पुगेको दूतावासले जनाएको छ । जेनेवरीमा १०, फेब्रुअरीमा ९, मार्चमा ११ तथा अप्रिल २० सम्म १२ जना नेपालीको मृत्यु भएको जानकारी दूतावासलाई प्राप्त भएको छ । मृत्युका कारणहरु मध्ये हृदयघातबाट २८,  सडक दुर्घटनाबाट ६, कार्यस्थल दुर्घटनाबाट ५, आत्महत्याबाट २ तथा मेनिन्जाईटिसबाट १ जना रहेको दूतावासले जनाएको छ ।

news from nepal   nepalnews   information from nepal   nepal    nepali   nepallinks   news nepal

 

	©nepalqatar.com