News updated on: 30 April 2007

HOME -> NEWS -> NEWS FROM QATAR

अमेरिकी डलरको भाउ घट्ने क्रम जारी

नेक सम्वाददाता - 30/04/2007

दोहा ३० अप्रिल, नेपाली रुपैंयाँको तुलनामा अमेरिकी डलर सस्तो हुने क्रम अझ पनि जारी रहेको छ । यस साता अमेरिकी डलर गत ९ वर्ष अधिको विनिमय दर भन्दा पनि तल झरेर ६४.९० सम्म कामय रहेको थियो ।   डलरको तुलनामा भारतीय रुपैयाँ मजबुत भएको र त्यसको प्रभावका कारण नेपाली रुपैयाँको तुलनामा पनि डलर कमजोर भएको विज्ञहरुले वताएका छन् । भारतीय रुपैयाँसंग स्थिर विनिमय दर रहेको नेपाली रुपैयाँ मजबुत हुनुमा नेपालको आफ्नै कारण भने नभएको उनीहरुले वताए ।   भारतमा अमेरिकी डलरको विनिमयदरमा आएको गिरावतको प्रभावले नेपाली रुपैयाँसंग पनि अमेरिकी डलरको विनिमयदरमा देखिएको गिरावत तथा कतारी रियाल र अमेरिकी डलरको विनिमय दर स्थिर रहनाले नेपाली रुपैयाँ कतारी रियालसंग पनि बलियो हुन पुगेको छ जस्को प्रभाव प्रत्यक्ष रुपमा कतारमा कार्यरत नेपालीहरुलाई पर्न गएको छ ।   आफ्नो आम्दानीलाई नेपाली रुपैयाँमा हिसाव गर्ने नेपालीहरुले आम्दानी घट्न गएको अनुभुती गरेका छन् भने आफ्नो परिवारलाई मासिक खर्च पठाउदा कम पठाउनु पर्ने भएको छ । कतारमा ५०० रियाल तलब पाउने व्यक्तिले आफ्नो आम्दानी १०,००० नेपाली रुपैयाँ रहेको आभास केही महिना अगाडी गर्दथ्यो भने अहिले विनिमय दरमा आएको परिवर्तनले सोही व्यक्तिको आम्दानी घटेर ९,००० रुपैयाँ भएको छ । यसको प्रत्यक्ष प्रभाव यि कामदारहरुको आम्दानीमा आश्रित नेपालमा रहेका यिनका परिवारहरुलाई परेको छ ।   नेपाल राष्ट्र बैकको विदेशी विनिमय विभागका कार्यकारी निर्देशक रामजी रेग्मीले भारतीय रुपैयाँ मजबुत भएकाले त्यसको प्रभाव नेपाली रुपैयाँमा पनि परेको वताउनुभयो र अमेरिकी डलर विश्वभरी नै कमजो भइरहेको वताउँदै उहाँले यसको असर नेपाली अर्थतन्त्रमा भने खासै नपर्ने बताउनुभयो ।   हाल भारतमा विदेशी विनियम संचिति पर्याप्त भएको र आर्थिक प्रगतिको कारण पनि डलरको तुलनामा भारतीय रुपैयाँ मजबुत भएको हो ।   अर्थविद डा. राघवध्वज पन्तका अनुसार डलरको तुलनामा नेपाली रुपैयाँ मजबुत हुनु नेपालको दीर्घकालीन रुपले लाभदायक हुँदैन । आठ प्रतिशत आर्थिक वृद्धि रहेको भारतको रुपैयाँसंग नेपालले प्रतिस्पर्धा गर्न सक्ने अवस्था छैन । उहाँले नेपालले भारतीय रुपैयाँ सितको विनिमय दरमा तत्काल पुनःविचार गर्नुपर्ने सुझाव समेत दिनुभयो ।

news from nepal   nepalnews   information from nepal   nepal    nepali   nepallinks   news nepal

 

	©nepalqatar.com