News updated on: 02 May 2007

HOME -> NEWS -> NEWS FROM QATAR

चितवन युवा समूहबाट बनभोज कार्यक्रम

नेक सम्वाददाता - 02/05/2007

दोहा, नव बर्षको उपलक्ष्यमा दोहाको चितवन युवा समूह गत शुक्रबार एक बनभोज कार्यक्रमको आयोजना गरी चितवने र गैर चितवनेहरु वीच शुभकामना साट्ने मौका प्रदान ग-यो । अलखोर स्थित अलखोर पार्कमा सम्पन्न सो बनभोज कार्यक्रममा चितवन यूवा समूहका कलाकार तथा कतारमा स्थापित संघर्ष ब्याण्डका कलाकारहरुसंगै वृहत उपस्थिति रहेको थियो ।   कार्यक्रममा दोहा स्थित नेपाली दूतावासका कार्यबाहक राजदूत रामकाजी खड्काले उपस्थित सम्पूण महानुभाव र देश बिदेशमा रहनु भएका सम्पूर्ण नेपालीहरुलाई नवबर्ष २०६४ को शुभकामना ब्यक्त गर्नु भयो । आफ्नो परम्परालाई सम्झदै कतारमा संघ संस्थाबाट हुने हरेक खाले कार्यक्रमहरु अति सहरानीय भएको उहाँले भयो । त्यस्तै गैर आवासीय नेपाली संघ कतारका अध्यक्ष कमल मणि गुराँगाईले कतारमा संस्थाहरु मध्ये नाम र कामबाट चितवन र खोटाङ अग्रपंक्तिमा रहेको र हालसम्म चितवन युवा समूहले बिभिन्न कार्यक्रमको आयोजना गरि सफलता पाएको औल्याउनु भयो । अझ चितवनका साथीहरुले आफू कतार आउदा सामाजिक कार्यमा लाग्न अनुरोध गरेको स्मरण गर्नु भयो । चियुसको अझ प्रगतिको कामना गर्दै उहाँले नव बर्षमा सम्पूण नेपालीहरुको उत्तरोत्तर प्रगतिको कामना गर्नु भयो ।   कार्यक्रममा गैर आवासीय नेपाली संघ कतारका संयोजक राजेश दर्शन अर्यालले भर्खरै आफूले नव बर्ष चितवनको सौराहामा मनाएको र यहाँ पनि चितवन युवा समूहको नव बर्षमा शुभकामना मन्तब्य दिन पाउँदा खुशी लागेको बताउनु भयो । उहाँले देशमा लोकतन्त्र आएको भएता पनि अझै अन्यौलको स्थिति रहेको विचार व्यक्त गर्नु भयो ।   गैर आवासीय नेपाली संघ कतारका कोषाध्यक्ष तथा चियुसका बरिष्ठ सल्लाहकार के.बि. हमालले उपस्थित सम्पूर्ण साथीहरुलाई  नव बर्षको शुभकामना दिदै चियुसले एकजुट भएर समाज सेवामा लाग्नु पर्ने बताउनु भयो ।   नव बर्षको उपलक्ष्यमा हरेक बर्ष आयोजना गर्दै आएको चियुसको बनभोज कार्यक्रममा उपस्थित सम्पूर्ण चितवने तथा गैर चितवनेहरुलाई शुभकामना ब्यक्त गर्दै समूहका अध्यक्ष रामहरि गैरेले उपस्थितिका लागि सबैमा कृतज्ञता ब्यक्त गर्नु भयो । प्रवासमा छरिएर रहेता पनि आफ्नो संस्कृति र संस्कारलाई भुल्न नहुने बताउँदै फेरि पनि चियुसले नयाँ कार्यक्रमहरु कतारका नेपालीहरु माँझ ल्याउने बताउनुभयो ।   समूहका महासचिब बुद्धिराज अर्यालले नव बर्षले देश विदेशमा छरिएर रहेका तथा स्वदेशमा रहनु भएका सम्पूर्ण नेपालीहरुलाई सुख, शान्ति दिलाउने र नयाँ जोश जाँगर ल्याउने छ भन्दै शुभकामना ब्यक्त गर्नु भयो । कार्यक्रममा मेचीकाली साहित्य संगमका सुरेन्द्र अधिकारी 'सरु', अनेसास कतारका अध्यक्ष दिपेन्द्र भेटवाल, नेपाल कतार पत्रकार संघका अध्यक्ष रवि भट्ट लगायतका ब्यक्तिहरुको उपस्थिति थियो । कार्यक्रममा चितवन यूवा समूहका कलाकार तथा कतारमा स्थापित संघर्ष ब्याण्डका कलाकारहरुले सांगितिक कार्यक्रम प्रस्तुत गरेका थिए ।

news from nepal   nepalnews   information from nepal   nepal    nepali   nepallinks   news nepal

 

	©nepalqatar.com