अपहरणको धम्की दिँदै रकम असुल्ने प्रयास
दोहा/रासा- कतारमा नक्कली माओबादी बनेर अपहरणको धम्कि दिँदै लाखौ रुपैयाको माग गर्ने क्याम्पा गाविस- ८, झापाका राज कुमार खड्का समातिएका छन् । कतारमा यस किसिमको घटना यो पहिलो भएको बताइएको छ ।
 |
|
धम्की दिने नक्कली माओवादी राजकुमार खड्का |
खड्काले कतारको एक सेक्युरीटि कम्पनीमा काम गर्दै आएका झापाका राम बुढाथोकीलाई १ लाख रुपैया माग्दै, यदि नदिएमा काठमाडौंमा रहँदै आएका बुढाथोकीका दुइ छोराहरुलाई अपहरण गर्ने धम्कि दिएका थिए । खड्काले आफु माओबादी कार्यकर्ता भएको र नेपालबाट आँफुलाई सो रकम असुलीको आदेश आएको पनि बताएका थिए । दुइ छोराहरुलाई शिक्षादिक्षाका लागि काठमाण्डौंमा पढाउन राखेका बुढाथोकी श्रीमतीका साथ कतारमा कार्यरत छन् । छोराहरुको अपहरण हुने डरले पैसा दिन तयार भएका बुढाथोकीका दम्पती शनिबारदेखि बुधबारसम्म भोकै त बसे नै अझ नेपालमा आफ्ना नातेदारहरु र माओबादी समेतलाई करीब २० हजार रुपैया बराबरको खर्च लाग्नेगरी बारम्बार फोन सम्पर्क गरिरहे ।
बुधवार पक्डिइएका खड्कालाई दोहास्थित नेपाली दुतावाससमक्ष हस्तान्तरण गरिएको थियो तर नागरिक समाजका प्रतिनिधिहरूले उनलाई सुध्रिने एक मौका दिनुपर्ने तर्क गरेपछि उनलाई माफी दिइएको छ । आफ्नो अपराध स्विकारेका खड्काले भविष्यमा यस किसिमका अपराधमा संलग्न नहुने कागजातमा हस्ताक्षर गरेपछि कानुनी कारवाहिको बाटोमा अंगालिएन । तर, पिडितले सो निर्णय प्रति असन्तुष्टि ब्यक्त गरेका छन् ।
छोराहरूको अपहरण रोक्ने हो भने तोकिए बमोजिम ५ हजार कतारी रियाल अर्थात १ लाख रुपैयाँ खामबन्दी गरि बाहिर 'दिनेश' नाम लेखेर बुधबार बेलुकी ७ बजे विसमिल्लाह नजिकै आउनु, एक डस्टविनमा राख्नु र त्यहाँबाट हट्नु भन्ने चेतावनी खड्काबाट गत शनिवार बेलुकि पाएपछि बुढाथोकी दम्पत्तीलाई डर र चिन्ताले घेरिरहृयो । इन्टरनेट फोन कार्डबाट फोनसर्म्पर्क गरेकोले खड्काको सर्म्पर्क नम्बर प्राप्त गर्न नसकेका बुढाथोकीले मंगलवार बेलुकी पुनः खड्काले फोन गर्दा उनको फोनसंबाद रेकर्ड गरे । बुढाथोकीले सो जानकारी गैरआवासीय नेपाली संघ, कतारका सदस्य नरेन्द्र भाटलाई दिएपछि खड्कालाई प्रत्यक्षदर्शीको रोहबरमा समात्ने योजना बनाइएको थियो । भाटसंगै राजधानी साप्ताहिकका संबाददाता रवि भट्टसंगको रायसल्लाह पाएपछि बुढाथोकीले निर्धारित समयमा रकम खामबन्दी गरेर डस्टविनमा राखिदिए र सो रकम हात पार्न आउँदा खड्का सहजै पक्राउमा परे ।
आँफुलाई कमजोर नआँक्न चेतावनी दिएका खड्का रकम बुझ्नका लागि तोकिएकोस्थलमा आँउदा उनको शंकास्पद ब्यबहार देखेर सहकर्मी भट्टले पहिचान गरी उनलाई समात्न सहयोग गरेका थिए । रकम लिने प्रयास गर्दैगर्दा पत्रकार भट्टले उनलाई समातेपछि एनआरएनए कतारका अध्यक्ष कमलमणी गुरागाईँ, भुपति भट्टर्राई, हफिज खान र पशुपति चौधरी लगायतका ब्यक्तिहरूको रोहवरमा खड्कालाई आवश्यक कारबाहीको प्रकृया अगाडि बढाउन दुतावासमा लगिएको थियो ।
'दोषी त्यत्ति बलियो नदेखिएको भएता पनि ऊ निकै गलत अपराधिक बाटोमा हिँडेको छ । मेरा छोराहरू सुरक्षित छन् कि छैनन् भनेर मैले यो साता निकै मानसिक तनाव झेल्नुपर्यो । हरेक २-२ घण्टामा मैले फोन सर्म्पर्क गरिरहन्थें' बुढाथोकीले आङ्खनो कथा सुनाए- 'अहिले मुलुकमा, कतारमा र सम्पुर्ण खाडिमा रहेका मेरा हरेक नातेदारलाई यो घटनाकावारेमा जानकारी भइसकेको छ ।' दोषीलाई दुतावासमा हस्तान्तरण गर्दा आफ्नो परिवारको र आफुको सुरक्षाको प्रत्याभुति गरियोस् भन्ने माग राखेको बुढाथोकीले बताए । दुतावासमा भएको निर्णयबाट त्यति सन्तुष्ट नदेखिएका बुढाथोकीले भने- 'उसलाई कारवाहि गर्ने नगर्ने भन्ने निर्णय लिने काम उहाँहरूको हो । मैले त यत्ति मात्रै मागेको छु कि आइन्दा यस्ता घटना नदोहोरिउन् र म एवं मेरो परिवार हमेशा सुरक्षित रहोस् ।'
सो घटनाकावारेमा जानकारी लिने प्रयास गर्दा नेपाली दुतावासका कार्यबाहक राजदुत राजेन्द्र पाण्डेले समुदायले दुइ पक्षलाई मिलाएको कारण दुतावासले हस्तक्षेप गर्नु नपरेको बताउनुभयो ।
news from nepal nepalnews information from nepal nepal nepali nepallinks news nepal