©nepalqatar.com
|
nepalqatar.com |
Home | About Us | Sent Us News | Advertise with Us | Contact Info | Feed Back |
|
Gateway to Nepalese Diaspora in Qatar |
This website usage Nepali Unicode Font Mangal, to download click here |
|
Refresh your browser for the latest updates |
Some parts of this site requires Kantipur/Preeti Fonts. Download Fonts |
News updated on: 16 November 2006
HOME -> NEWS -> NEWS FROM QATAR
|
नेपाली कामदारको मृत्यु संख्यामा वृद्धि |
| नेक सम्वाददाता - 16/11/2006 |
|
कतारमा नेपाली कामदारको संख्या संगसंगै मृत्युहुनेको संख्यामा वृद्धि भएको छ । सन् २००६ को पहिलो १० महिना अर्थात अक्टुवरको अन्तसम्ममा विभिन्न कारणबाट मृत्युहुने नेपालीको संख्या १०६ पुगेको छ । गत वर्षको पहिलो १० महिनामा यो संख्या ७९ रहेको थियो भने पुरै वर्षमा १०० रहेको थियो । यस सालको पहिलो १० महिनाले गत वर्षको जम्माजम्मी मृत्यु संख्यालाई पनि उछिनेको छ ।
सन् २००५ को तुलनामा २००६ मा नेपालीहरुको मृत्युहुनेको संख्या बढ्नुमा नेपाली कामदारको संख्या बढ्नु नै मुख्य रहेको छ । नेपाली कामदारहरुको आधिकारीक संख्या प्रष्ट नभए पनि हाल १ लाख ८० हजार जति नेपालीहरु कतारमा कार्यरत रहेको अनुमान गरिएको छ । गत साल यो संख्या १ लाख ३० हजारको हाराहारीमा थियो ।
दोहा स्थित नेपाली दूतावासबाट प्राप्त तथ्याङ्कमा मृत्यु हुनेहरुमा अधिकतम कार्डियो-रेस्पिरेटोरी फेलियरबाट भएको देखिन्छ । यसलाई प्राकृतिक मृत्यु (नेचुरल देथ) को रुपमा लिइन्छ । गत वर्षको पहिलो १० महिनामा कार्डियो-रेस्पिरेटोरी फेलियरबाट मृत्यु हुने नेपालीको संख्या ४२ रहेकोमा यस वर्ष यो संख्या ४७ पुगेको ।
त्यस्तै मृत्यु हुनुका अन्य कारणहरु मध्य कार्यस्थल दुर्घटनाबाट १९ जना (गत वर्ष ६ जना मात्र); सडक दुर्घटनामा २७ जना (गत वर्ष २१ जना); आत्महत्याबाट ६ जना (गत वर्ष ३ जना); तथा विभिन्न रोगका कारण ७ जना (गत वर्ष नभएको) रहेको नेपाली दूतावासबाट प्राप्त तथ्याङ्कमा जनाईएको छ । गत वर्ष ७ जना नेपालीको आगलागीमा परि दुःखद निधन भएको थियो ।
गत वर्षको पहिलो १० महिनाको तुलनामा यस वर्ष कुनै पनि कारणबाट मृत्यु हुनेको संख्या बढेको भएतापनि कार्यस्थल दुर्घटनामा मृत्यु हुनेको संख्या अत्याधिक बढेको देखिन्छ ।
प्राकृतिक मृत्युलाई रोक्न नसकिएता पनि सडक तथा कार्यस्थल दुर्घटनालाई पक्का पनि कम गर्न सकिन्छ यदि रोजगारीमा आउने नेपालीहरुलाई नेपाल मै केही व्यवहारीक तथा सुरक्षाका आधारभूत तालिमहरु दिन सकेमा । सम्बन्धित नेपाल सरकारको निकाय, म्यानपावर कम्पनी तथा अभिमुखिकरण तालिम दिने संस्थाहरुले यस तर्फ विचार पुर्याएमा विरानो शहरमा मृत्यु हुने नेपालीहरुको संख्या केही कम हुने थियो कि ? |
|
news from nepal nepalnews information from nepal nepal nepali nepallinks news nepal |
|
|
|
|
|
|
|
|
©nepalqatar.com |