News updated on: 28 November 2006

HOME -> NEWS -> NEWS FROM QATAR

नेपाली खेलाडीहरु आउन शुरु

नेक सम्वाददाता - 28/11/2006

दोहा, आगामी दिसेम्बर १ तारिखदेखि दोहामा शुरु हुन गईरहेको १५औ एसियाली खेलकुदमा भाग लिन नेपाली टोली आउने क्रम शुरु भएको छ ।   हिजो दोहा आईपुग्नु भएका राष्ट्रिय खेलकुद परिषदमा सदस्य सचिव जिवनराम श्रेष्ठका अनुसार नेपालले १४ खेलका ४४ विधामा भाग लिने छन् भने नेपाली टोलीमा ५१ खेलाडी सहित ९४ जनाको सहभागिता रहने छ ।   सन् २००२ मा वुशानमा भएको १४औ एसियाली खेलकुदमा ४ कास्य पदकमा चित्त बुझाएको नेपालले यस पटक राम्रो प्रदर्शन गर्ने विश्वास व्यक्त गर्दै खेलाडीहरुको उत्साह तथा व्यवस्थापन यस पटक राम्रो रहेको श्रेष्ठले नेपालकतार डट कममा सम्बाददातासंगको छोटो कुराकानीमा वताउनुभयो ।   स्वर्ण पदकको आशा नरहेता पनि नेपाली खेलाडीहरुबाट रजत पदकको आशा आफूले राखेको वताउदै यस पटकको तयारी राम्रो रहेको सदस्य सचिव श्रेष्ठले वताउनुभयो ।   सरकारको प्रतिनिधित्व गर्दै शिक्षा संस्कृति तथा खेलकुल मन्त्रि मंगलसिद्धि मानन्धर पनि कतार आउने तथा आगामी शुक्रबार हुने १५औ एसियाली खेलकुदको समुद्‌घाटन समारोहमा सरिक रहनुहुने पनि श्री श्रेष्ठले जानकारी दिनुभयो ।

news from nepal   nepalnews   information from nepal   nepal    nepali   nepallinks   news nepal

 

	©nepalqatar.com